2013 წლის ივლისში ლიზის დაეწყო მუცლის ტკივილი, იაშვილის კლინიკაში ჩაუტარდა გამოკვლევა, გადაუღეს ტომოგრაფია, სადაც გამოჩნდა სიმსივნური წარმონაქმნი, ჩაუტარდა ბიოფსია და დაისვა დიაგნოზი – გერმინაციული უჯრედების სიმსივნე, მცირე მენჯის ღრუს სიმსივნე „ტერატომა“, ყვითრის პარკის სიმსივნე. ექიმების გადაწყვეტილებით, წარმონაქმნის დასაპატარავებლად ლიზის ჩაუტარდა ქიმიოთერაპიის 6 კურსი. 

ლუკა ვარდანიანი, 8 წლის, დიაგნოზი - მწვავე ლიმფობლასტური ლეიკემია.მკურნალობს 2 წლის ასაკიდან, ქიმიოთერაპიული კურსის ფონზე მიღწეულ იქნა რემისია, თუმცა მოგვიანებით მოხდა დაავადების რეციდივი. ექიმების გადაწყვეტილებით, ღეროვანი უჯრედების გადანერგვის მიზნით ლუკა ვერონას კლინიკაში გაიგზავნა. ფონდი უზრუნველყოფს ლუკას და მისი დედის ტრანსპორტირებას იტალიაში. ასევე სასტუმროს ხარჯებს სრულად დააფინანსებს.

გიორგი ბიბილური 7 წლისაა, 2013 წლიდან მკურნალობს დიაგნოზით მარცხენამხრივი ვილმსის სიმსივნე, მე-4 სტადია, მეტასტაზებით, ლაიფმედის კლინიკაში ჩატარებული ქიმიოთერაპიული კურსის შემდეგ სიმსივნური წანაზარდი ზომაში შემცირდა, მეტასტაზები ალაგდა, ქირურგის გადაწყვეტილებით დაინიშნა ოპერაცია.

ბარბარე ავალიანი 2008 წლიდან ებრძვის სიმსივნეს. ის ახლა 13 წლისაა. დიაგნოზი უცვლელია, ნათხემის მარჯვენა ჰემისფეროს სიმსივნე. ხუთი ოპერაცია უკვე ჩაუტარდა თურქეთის აჯიბადემის კლინიკაში. ბარბარეს დამოუკიდებლად გადაადგილება უჭირს, პერიოდულად მისი მდგომარეობა მძიმდება