ჩვენი შვილობილები

რამაზან კასუმოვი რამდენიმე წელია ჩვენი ფონდის ბენეფიციარია, პაციენტს საქართველოში დაესვა დიდი თალასემიის დიაგნოზი და 26.08.2015 წელს მედიპოლ მეგაში, ნათესაური (და) დონორისგან ჩაუტარდა ძვლის ტვინის ტრანსპლანტაცია.შემდგომ განვითარდა გრაფტის უკმარისობა. არაერთი ქიმიოთერაპიის, მედიკამენტოზური და ოპერაციული ჩარევის შენდეგ ღეროვანი უჯრედების გადანერგვის პროცედურა მეორედ დაიგეგმა, დონორის მოძიება წარმატებით დასრულდა და რამაზანი მშობლებთან და დონორთან ერთად დიმიტრი ცინცაძის სახელობის ფონდის დახმარებით თურქეთში გაემგზავრა.  ამ ეტაპზე, სირთულეს ქმნის ის ფაქტი, რომ მისი ექიმების აზრით, არსებობს ვენო-ოკლუზიური დაავადების განვითარების მაღალი რისკი, რამაც შეიძლება ლეტალური შედეგი გამოიწვიოს. აქედან გამომდინარე, მედიპოლის ჰემატოლოგიისა და ონკოლოგიის განყოფილების ექიმთა ჯგუფმა, პროფილაქტიკის მიზნით,  მედიკამენტ დეფიბროტიდეს (NORAVID / DEFIBROTIDE (DEFITELIO) 200 MG. 10 FLC.) გამოყენების გადაწყვეტილება მიიღო. მედიკამენტი ძვირადღირებულია და არ შედის ტრანსპლანტაციის ხარჯთაღრიცხვაში.